2016-2017 ўқув йилида туманимиздаги мавжуд 8 та касб-ҳунар коллежларини 2378 нафар ёшлар муваффақиятли битирдилар.

Коллеж битирувчиларини ишга жойлаштириш мақсадида корхона ва ташкилотлар билан мустаҳкам ҳамкорлик ўрнатилди. Ўқувчи-ёшларнинг амалиёт ўташлари учун улар туманда фаолият кўрсатаётган 971 та корхона, ташкилот, муассаса ва фермер хўжаликларига бириктирилди. Бу кўрсаткич ҳар бир корхонага 2,4 фоиздан тўғри келди.

Айни кунда касб-ҳунар коллежларининг 2378 нафар битирувчиларидан 1937 нафарининг тўрт томонлама шартномалари ўз танлаган йўналишлари бўйича, 441 нафар битирувчиларнинг тўрт томонлама шартномалари бошқа мутахассисликлар бўйича тузилган.

Туманда коллеж битирувчиларини ишга жойлаштириш бўйича тўрт томонлама шартномалар тузиш 99,9 фоиз бажарилди.

Суратда: Амударё қишлоқ хўжалик касб-ҳунар коллежининг бир гуруҳ битирувчилари.